Ingen zoom Zoom 110% Zoom 120%

Mandat Samisk

 

  MANDÁHTA
Vierisgiela oahpahusa nationála guovddáš
Mearridan Máhttodepartemeanta 25.11.2010

Bokmål
Nynorsk
Engelsk
Spansk

Ulbmil
Vierisgiela oahpahusa nationála guovddáš galgá bargat dan ovdii, ahte nationála oahppopolitihkka ollašuhttojuvvo ja čađahuvvo, nu ahte mánát, nuorat ja rávesolbmot ožžot ovttaárvosaš ja heivehuvvon oahpahusa, mii doallá alla dási, ja mii fátmmasta searvevuhtii.

Vierisgiela oahpahusa nationála guovddáš galgá bargat dan ovdii, ahte vierisgiela oahpahusa dássi buorrána, ja ahte dan sisdoallu šaddá geavatlaš ja molsašuddi. Guovddáš galgá doaibmat nationála resursaguovddážin, ja dan bokte lasihit movtta ja beroštumi vierisgielaide.

Doaimmat
Oahppoplánabuktosa, Mánáidgárddi sisdoalu ja doaimmaid rámmaplána ja nationála áŋgiruššamiid implementeren ja geavaheapmi galget leat váldun guovddáža doaimmain, earret eará kvaliteahta ovddideami, árvvoštallama ja gelbbolašvuođa ovddideami olis. Doaimmat galget laktásit suorggi bajit dási ulbmiliidda guhkes áiggi perspektiivvas.

Guovddáš lea nationála resursaguovddáš, mii ovddida vierisgielaid ja eaŋgalsgiela oahpahusa mánáidgárddis ja vuođđooahpahusas. Doaibmá galgá fátmmastit olles riikka. Fágalaš doaimmat galget vuođđuduvvat dutkamii, ja guovddáš galgá ulbmillaččat gaskkustit dutkan-, geahččaladdan- ja ovddidanbargguid bohtosiid iežas ovddasvástádussuorggis. Dieđuid galgá eanaš juohkit interneahta bokte, ja nu galgá skuvllaide ja skuvlaeaiggádiidda doaimmahit materiála buori praksisa birra, mii vuođđuduvvá dihtui. Guovddáš galgá gulahallat relevánta nationála fágabirrasiiguin ja čuovvut riikkaidgaskasaš ovdáneami.

Guovddáš galgá ovttas skuvlaeaiggádiiguin ja UA-surggiin/oahpaheaddjioahpuin álggahit ja čađahit kvaliteahtaovddidandoaimmaid, mat laktásit fágadidaktihkalaš doaimmaide. Guovddáš galgá veahkehit allaskuvllaid ja universitehtaid ollašuhttit nationála áŋgiruššamiid, maiguin nannejit vuođđooahpahusa gelbbolašvuođa ovdáneami.

Guovddáš galgá rávvet ja bálvalit nationála oahppoeiseválddiid, go dat ollašuhttet nationála oahppopolitihka sin ovddasvástádussuorggis.

Guovddáš galgá leat resursa ja ovttasbargoguoibmi eará nationála guovddážiidda, oahpaheaddjeohppui ja eará oasálaččaide, geat barget vierisgiela oahpahusa nannemiin.

Guovddáš sáhttá váldit badjelasas olggobeale ruđain ruhtaduvvon doaimmaid, maiddái dutkama, nu guhká go dat lea guovddáža mandáhta siskkobealde. Dutkandoaimmaid ii galgga ruhtadit guovddáža vuođđoruhtademiin.

Ulbmiljoavkkut
Doaimma váldoulbmiljoavkkut leat oahpaheaddjit, skuvlanjunnošat, mánáidgárde- ja skuvlaeaiggádat ja mánáidgárddiid pedagogihkkabargit. Guovddáš galgá veahkehit UA-suorggi/oahpaheaddjeoahppoásahusaid go dat áŋgiruššet gelbbolašvuođaovddideami ovdii.

Organiseren
Máhttodepartemeanta lea delegeren fágalaš stivrema ja čuovvuleami Oahpahusdirektoráhttii. Guovddáš gullá hálddahuslaččat Østfolda allaskuvlii Universitehtaid ja allaskuvllaid lága § 1-4 njealját lađđasa vuođul. Allaskuvla galgá sierra ovttasbargosoahpamuša vuođul ja hálddahuslaš láhčima bokte veahkehit guovddáža ollašuhttit mandáhtas ja doaimmahit bargguidis.

Guovddáža galgá jođihit guovddášjođiheaddji, geas lea fágalaš ja hálddahuslaš ovddasvástádus doaimmain.

Guovddáš sáhttá nammadit fágalaš referánsajoavkku, mii sáhttá rávvet ja doarjut guovddášjođiheaddji mandáhta ja jahkásaš doaibmareivviid ollašuhttimis. Referánsajoavku sáhttá maid rávvet fágalaš ja didaktihkalaš jearaldagain vierisgiela oahpahusa hárrái.

Stivren
Guovddáš stivrejuvvo jahkásaš doaibmareivviiguin. Stivrenčoahkkimiid galgá doallat guktii jahkái dahje dárbbu mielde dávjjitge. Guovddáš oažžu Oahpahusdirektoráhtas jahkásaš vuođđoruhtadeami doaimmaide, mat govviduvvojit mandáhtas ja doaibmareivviin. Guovddážii sáhttet bidjat erenoamáš doaimmaid, mat ruhtaduvvojit juogo vuođđoruhtademiin dahje lassijuolludemiiguin.

Oahpahusdirektoráhtta galgá dohkkehit jahkeraportta ja rehketdoalu. Direktoráhtta galgá maid dohkkehit jahkeplána ja bušeahta juohke jahkái. Guovddáš ferte leat gearggus ráhkadit stáhtus- ja dilleraporttaid, go Oahpahusdirektoráhtta daid bivdá. Buot gulahallan nationála oahppoeiseválddiiguin galgá dahkkojuvvot Oahpahusdirektoráhta bokte.

Viktige datoer:
28.05 - Møte på KD
04.06 - INNLAC
06.06 - Møte i Ungarn
Møt oss:

Kontaktinfo:


Telefonopningstid er 9-11 og 13-15.

Nasjonalt senter for framandspråk i opplæringa/Nasjonalt senter for
fremmedspråk i opplæringen
Høgskulen i Østfold, NO-1757 Halden

Tel: 69 60 83 00

EPOST  

Høgskolen i Østfold

Andre nasjonale sentra

Vår visjon


Økt interesse for språk!
Økt motivasjon for språklæring!
Økt kvalitet i opplæringen!
Bedre ferdigheter i mange språk!
Oppdatert av Tina Buckholm 15.04.2019 - Ved feil/mangler - kontakt: Webmaster Fremmedspråksenteret